Senin, 07 Maret 2011

Guyon


Survey Kasehatan.

Nu survey kasehatan ngawawancara sababaraha urang aki-aki. Kieu di antarana:
“Naon wae Ki, rusiahna awet anom teh?”
“Biasa we, tara ngaroko, tara nginum inuman nu ngandung alkohol, jeung sare cukup.”
“Dupi yuswa sabaraha?”
“80 taun.”
“Eueuuhh….., dupi Aki nu ieu kumaha? Katingalna mah langkung sepuh tapi angger masih gagah keneh.”
“Sarua we Aki ge. Ngan, salian ti tara ngaroko, sare cukup, jeung teu wawuh kana inuman nu ngandung alkohol teh, Aki mah tara tinggaleun olahraga deuih.”
“Eueuhh…paingan atuh. Dupi yuswa?”
“91 taun”
“Wah, hebat.. Dupi Aki nu ieu kumaha? Kateguh lah, yuswana pasti pangsepuhna ti antawis nu sanes. Tapi naha bet masih tiasa bertahan, sok sanaos katingalna ripuh oge? Naon tah rusiahna?”
“Ah, kuring mah teu loba pantangan. Jhony Walker hayu, Whisky nyandu. Bir, tara kaliwat. Roko ge nya kitu, melenyun unggal waktu. Olah raga tara, kacape-cape. Bagadang mah geus puguh, tara kaliwat unggal peuting oge.”
“Wah, wah, wah, sakitu tos sepuh pisan bari semu ripuh kitu, tapi uyuhan we tiasa keneh bertahan hirup. Dupi yuswa ayeuna tos sabaraha?”
“Kuring? 27 taun!”
***
Meuli Kadu.
“Cing kadu teh,  dua.”
“Bade dipurak, bade ditalian, pa?”
“Nu hiji dipuwak, nu hiji ditayian.”
“Atuh bau, duanana.”

Sajak Sunda




Puisi sunda : Asih nu mawa peurih 1
oleh Pustaka Sunda

Asih surup ngudag srangenge
haliwungna ati anu ngageuri
kembang tresna ngawagu wayahna
rumasa raga teu walakaya

Geuning enya diri ngarasa
lieuk euweuh ragap teu aya
ukur keclak ibun katresna
ngalembereh maseuhan satia
Naha enya teu aya harga ?

Komentar Via Facebook

Esbiwan Multimedia : Electronic Service, Perancangan FM Transmitter, Computer Maintenance, Warnet. Alamat : Blok Cicadas RT 09/20 Kel Dangdeur Subang. Telp. (0260) 413809, 08179267319